入秋飲紅酒必備一枝赤霞珠，2026 五支必試推薦！
Sep 26, 2026
中秋啱啱過去，月餅都收埋咗，香港正式入秋！濕度終於退散，晚黑著返件長袖，成個人都開始諗住食返啲濃味啲嘅嘢，燒肉呀、燉牛呀，甚至喺屋企開返個爐火都得。呢個時候，白酒已經唔夠氣勢，係時候搵返支厚身嘅紅酒撐場。
而講到紅酒之王，梗係非赤霞珠莫屬。呢隻全球種植面積最廣嘅葡萄品種，單寧夠結實、果香夠濃郁，仲要可以擺好多年，根本就係為轉季時刻而生嘅酒款。今日就同大家推薦五支由平飲到膜拜級都齊晒嘅赤霞珠，等你入秋圍爐都唔失禮親朋戚友！
赤霞珠嘅地位相信大家都知道。呢隻酒源自法國波爾多，係品麗珠（Cabernet Franc）同白蘇維翁（Sauvignon Blanc）天然雜交出嚟嘅品種，之後飄洋過海去到美國 Napa Valley 發揚光大，甚至遠征到南非 Paarl 同意大利 Tuscany 嘅 Bolgheri，喺唔同嘅土壤同陽光下開花結果，釀出風格各異但同樣有陳年實力嘅佳釀。以下呢五支，由入門日常飲到收藏級都有齊，總有一支啱你。
Vilafonté Seriously Old Dirt 2022, Paarl, South Africa
呢支就係「平靚正」嘅代表作。命名自開普敦嗰啲古老富含鐵質嘅土壤，Seriously Old Dirt 用94%赤霞珠做主軸，加少少 Malbec、Merlot 同品麗珠調配而成，聞落有黑加侖子、黑車厘子仲有一絲肉桂香，單寧幼滑，好易入口。美國酒評人 Robert Parker 旗下嘅 Wine Advocate 都畀足93分，如果想試南非既酒，用佢黎作為一支日常小酌，呢個分數已經相當不錯。
Tenuta San Guido Guidalberto 2023, Bolgheri, Tuscany
呢支酒帶住 Bolgheri 最響噹噹嘅名，但價錢就完全冇 Sassicaia 咁誇張。用55%赤霞珠同45% Merlot 混釀，來自18年樹齡嘅老藤，開瓶就有黑加侖子、風乾車厘子同地中海香草嘅香氣，單寧綿密，尾韻仲帶少少礦物感。J
ames Suckling 同 Decanter 都畀咗2023年份96分高分，Wine Advocate 都有93分，呢啲分數已經足以同貴幾倍嘅酒平起平坐。慳返個 Sassicaia 嘅價錢，一樣飲到嗰種享受。
Pauillac de Latour 2020, Pauillac, Bordeaux
想試下波爾多最傳奇酒莊嘅出品，又唔想俾咁多錢？呢支就係最好既入場劵。Pauillac de Latour 係拉圖（Château Latour）嘅三牌酒，用比較年輕嘅藤同未達正牌標準嘅地塊釀造，但釀酒工藝就同正牌一樣一絲不苟。2020年份以梅洛做主軸，配上赤霞珠同少少 Petit Verdot，飲落有甜美紅醋栗、黑加侖子同甘草香，尾韻活潑得黎又有活力。Decanter、Jeb Dunnuck 同 Vinous 都畀咗92至94分左右，James Suckling 亦都有93分，呢啲數字證明咗三牌唔一定係差，只要工藝好，質素一樣係到，但價錢卻只係正牌嘅一個零頭。
Dunn Vineyards Howell Mountain Cabernet Sauvignon 2016, Napa Valley
莊主 Randy Dunn 一向以山地葡萄同拒絕追求高酒精度聞名，2016年份嘅 Howell Mountain 就完美示範咗呢種堅持。呢支100%赤霞珠喺全新法國橡木桶陳年32個月，用招牌嘅紅蠟封瓶，香氣有黑醋栗甜香、紫羅蘭同煙葉，單寧幼細帶點 chalky，非常有 Dunn 嘅個性。Wine Spectator 畀咗95分，Jeb Dunnuck 將佢比喻做波爾多聖朱利安（Saint-Julien）嘅頂級出品，對一支仲有大把陳年潛力嘅酒嚟講，呢個讚譽相當高。
Opus One 2018, Napa Valley
講到頂級嘅赤霞珠，梗係少不了 Opus One。故事要追溯到七十年代初喺夏威夷嘅一次偶遇，波爾多嘅 Philippe de Rothschild 男爵同 Napa Valley 先驅 Robert Mondavi 決定合力打造一個前所未有嘅酒莊：喺 Oakville 用波爾多莊園嘅嚴謹態度，配合 Napa Valley 嘅天然日照同成熟度去釀酒，令佢成為加州最早期嘅膜拜酒之一。
2018年份可以講係將呢個願景實現得最完美嘅一年。呢支酒以84%赤霞珠做骨幹，加埋 Petit Verdot、Merlot、品麗珠同少少 Malbec，香氣有純淨嘅黑加侖子、黑車厘子、荳蔻香料同一絲迷迭香嘅草本氣息，單寧編織得極為細膩，成支酒飲落超級舒服。
James Suckling 就畀咗99分，Robert Parker 旗下嘅 Wine Advocate 都有98分，而 Decanter 過去十年嚟對呢間酒莊嘅平均評分都高達97分，同 Château Cheval Blanc 同 Haut-Brion 呢啲頂級名莊平起平坐，但價錢就平波爾多一級莊嘅一大節，性價比其實都好高。
由平飲到膜拜級
由 Seriously Old Dirt 嘅親民親切，到 Opus One 2018 嘅殿堂級高度，呢個組合正正示範咗赤霞珠嘅多元魅力，夠親民陪你食今晚嘅晚餐，又夠結構撐得起你嘅酒窖。天氣轉涼，濃味嘅菜式陸續返嚟餐桌，呢個正正就係試多啲唔同赤霞珠嘅最佳時機。
想幫你嘅庫存入返幾支？即刻 WhatsApp 我哋，我哋幫你揀返啱嘅酒款同年份，總之由平到貴，總有一支可以震撼你嘅味蕾！
Good prices, 300+ bottles
